సైబరాబాద్ (న‌మ‌స్తే శేరిలింగంప‌ల్లి): పోలీస్ అమరవీరుల సంస్మరణ వారోత్సవాల్లో భాగంగా అమరవీరుల కుటుంబాలను సైబరాబాద్ పోలీస్ కమీషనర్ వీసీ సజ్జనార్ పరామర్శించారు. చదలవాడ ఉమేష్ చంద్ర ఇంటికి వెళ్లి ఆయ‌న కుటుంబసభ్యుల యోగక్షేమాలను అడిగి తెలుసుకున్నారు. ఆయ‌న తల్లిదండ్రులను ఘనంగా సన్మానించారు.
ఈ సంద‌ర్భంగా క‌మిష‌న‌ర్ సజ్జనార్ మాట్లాడుతూ.. పోలీస్ అమరవీరుల త్యాగాలు వెలకట్టలేనివని అన్నారు. అనంత‌రం పోలీస్ అమరవీరుడు కానిస్టేబుల్ ఈశ్వర్ రావు ఇంటికి వెళ్లి ఆయ‌న కుటుంబ సభ్యులను పరామర్శించారు. బాధిత కుటుంబాలకు పోలీస్ డెపార్ట్ మెంట్ తరపున అన్ని విధాలా అండగా ఉంటామని హామీ ఇచ్చారు.
సీపీ వెంట శంషాబాద్ డీసీపీ ఎన్ ప్రకాష్ రెడ్డి, సైబరాబాద్ ట్రాఫిక్ డీసీపీ ఎస్ఎమ్ విజయ్ కుమార్, డీసీపీ క్రైమ్స్ రోహిణి ప్రియదర్శిని, వుమన్ అండ్ చిల్డ్రన్ సేఫ్టీ వింగ్ డీసీపీ అనసూయ, బాలానగర్ డీసీపీ పద్మజ, మాదాపూర్ డీసీపీ వెంకటేశ్వర్లు, ఏడీసీపీ మాణిక్ రాజ్, మాదాపూర్ ఏసీపీ రఘునందన్ రావు, బాలానగర్ ఏసీపీ పురుషోత్తం, జీడిమెట్ల ఇన్ స్పెక్టర్ బాలరాజు, ఇన్ స్పెక్టర్ గురవయ్య ఉన్నారు.
