చందానగర్ (న‌మ‌స్తే శేరిలింగంప‌ల్లి): గుడ్ల ధనలక్ష్మి ట్రస్టు ద్వారా సేవా కార్యక్రమాలు చేస్తుండ‌డం అభినంద‌నీయ‌మ‌ని కార్పొరేటర్ మంజుల రఘునాథ్ రెడ్డి పేర్కొన్నారు. చందానగర్ డివిజన్ పరిధిలోని శిల్పా ఎన్ క్లేవ్ లో గుడ్ల ధనలక్ష్మీ ట్రస్ట్ ఆధ్వర్యంలో ఏర్పాటు చేసిన సన్మాన కార్యక్రమానికి ముఖ్య అతిథిగా మంజుల రఘునాథ్ రెడ్డి హాజర‌య్యారు. ఈ సంద‌ర్భంగా కార్పొరేటర్ మంజుల రఘునాథ్ రెడ్డిని ట్రస్ట్ చైర్ పర్సన్ ధనలక్ష్మీ సన్మానించారు. అనంతరం కార్పొరేటర్ మంజుల రఘునాథ్ రెడ్డి మాట్లాడుతూ గ్రేటర్ ఎన్నికల్లో తన గెలుపు కోసం ధనలక్ష్మీ ఎంతో కృషి చేశారని అన్నారు. రాష్ట్రంలో పలు ప్రాంతాల్లో ధనలక్ష్మీ ట్రస్ట్ ద్వారా పేదల కోసం సేవా కార్యక్రమాలు కొనసాగించడం హర్షించదగ్గ విషయమన్నారు. కాలనీలో నెలకొన్న సమస్యలను పరిష్కరిస్తామని అన్నారు. ఈ కార్యక్రమంలో టీఆర్ఎస్ నాయకులు సుప్రజా ప్రవీణ్, రవీందర్ రెడ్డి, సురేందర్, ప్రభాకర్, సురేష్, మోహన్ రావు, జై కుమార్, భవానీ, రామస్వామి, రాణి, ప్రభావతి, వరలక్ష్మి, జ్ఞాన పాల్గొన్నారు.
తెరాస నాయ‌కుడు రఘునాథ్ రెడ్డికి స‌న్మానం…
చందానగర్ డివిజన్ టీఆర్ ఎస్ అధ్యక్షుడు రఘునాథ్ రెడ్డిని ఆయ‌న చిన్ననాటి మిత్రులు శ‌నివారం మర్యాదపూర్వకంగా కలిశారు. అనంతరం ఆయ‌న‌కు మొక్కను అందజేసి శుభాకాంక్ష‌లు తెలిపారు. ఈ సంద‌ర్భంగా ఆయ‌న‌ను వారు సన్మానించారు.
