శేరిలింగంపల్లి (న‌మ‌స్తే శేరిలింగంపల్లి): శేరిలింగంపల్లి నియోజ‌క‌వ‌ర్గం ప‌రిధిలో క్రిస్మస్ వేడుక‌ల‌ను ఘ‌నంగా నిర్వ‌హించారు. క్రిస్టియ‌న్లు ఉద‌యం నుంచే చర్చిల్లో పెద్ద ఎత్తున ప్రార్థనలు చేప‌ట్టారు. పండుగ సందర్భంగా ఒక‌రికొక‌రు స్వీట్లు, బ‌హుమ‌తుల‌ను పంచుకుని పండుగ శుభాకాంక్షలు తెలుపుకున్నారు.
వివేకానంద‌న‌గ‌ర్‌లో…
క్రిస్మస్ ప‌ర్వ‌దినం సందర్భంగా వివేకానంద‌న‌గ‌ర్ కాలనీలోని ప్ర‌భుత్వ విప్ ఆరెక‌పూడి గాంధీ నివాసంలో వేడుక‌ల‌ను ఘ‌నంగా నిర్వ‌హించారు. డివిజన్ తెరాస నాయ‌కుడు మోజేష్ ఆధ్వర్యంలో జ‌రిగిన ఈ వేడుకల్లో గాంధీ పాల్గొని కేక్ కట్ చేసి అంద‌రికీ పండుగ శుభాకాంక్షలు తెలిపారు. ఈ కార్యక్రమంలో మాజీ కార్పొరేటర్ రంగారావు, తెరాస నాయకులు రామకృష్ణ గౌడ్, మోజేష్, నర్సింహా చారి, సాలయ్య, రాములు, శ్రీనివాస్, అర్జున్, పాస్టర్ కర్ణాటక రాజు, లక్ష్మి, విజయ పాల్గొన్నారు.
మాదాపూర్‌లో…
మాదాపూర్ డివిజన్ పరిధిలోని ఇజ్జ‌త్‌న‌గ‌ర్ వీకర్ సెక్షన్ బ‌స్తీలో నిర్వ‌హించిన క్రిస్మస్ వేడుకల్లో కార్పొరేటర్ జ‌గ‌దీశ్వ‌ర్ గౌడ్ పాల్గొని కేక్ కట్ చేసి ప్రజలకు పండుగ శుభాకాంక్షలు తెలియజేశారు. ఈ కార్యక్రమంలో నాయకులు గౌస్, ఓ.బలరామ్, గణేష్ యాదవ్, కృష్ణ గౌడ్, సతీష్ యాదవ్, శ్యామ్, మాలమహనడు జాతీయ అధ్యక్షుడు చెన్నయ్య, బ్రహ్మ‌య్య యాదవ్, వార్డ్ సభ్యులు రామచందర్, ఓ.మహేష్, సంజు యాదవ్, పాస్టర్ లింగ బాబు, సంఘం సభ్యులు కోటేశ్వర, దేవయ్య, వెంకటేశ్వర్లు పాల్గొన్నారు.
చందాన‌గ‌ర్‌లో…
చందానగర్ డివిజన్ పరిధిలోని భవానీపురం గ్రేస్ వింగ్స్ ఫెలోషిప్ చర్చ్ ఆధ్వర్యంలో నిర్వ‌హించిన క్రిస్మస్ వేడుకలకు డివిజన్ కార్పొరేటర్ మంజుల రఘునాథ్ రెడ్డి హాజర‌య్యారు. ఈ సందర్భంగా ఆమె క్రిస్మస్ కేక్ కట్ చేసి క్రిస్మస్ శుభాకాంక్షలు తెలియజేశారు. అనంతరం రాష్ట్ర ప్ర‌భుత్వం అంద‌జేసిన దుస్తుల‌ను ఆమె క్రిస్టియన్లకు పంపిణీ చేశారు. ఈ కార్యక్రమంలో పాస్టర్స్ ఏలీయా, టీఆర్ఎస్ నాయకులు రవీందర్ రెడ్డి, విజయ్ పాల్గొన్నారు. అదేవిధంగా చందానగర్ డివిజన్ పరిధిలోని గాలి గిరి బ్యాంకేట్ హాల్ లో పాస్టర్ అంథోనీ ఆధ్వర్యంలో నిర్వ‌హించిన క్రిస్మస్ వేడుకల్లో డివిజన్ టీఆర్ఎస్ అధ్యక్షుడు రఘునాథ్ రెడ్డి పాల్గొని ప్రత్యేక ప్రార్థనలు చేశారు.
గ‌చ్చిబౌలిలో…
గోపన్‌పల్లి వీకర్ సెక్షన్ కాలనీలోని చర్చ్ లో కార్పొరేటర్ గంగాధర్ రెడ్డి క్రిస్మస్ వేడుకల్లో పాల్గొని కేక్ కట్ చేశారు. క్రిస్టియన్లకు శుభాకాంక్షలు తెలియజేశారు. అనంతరం చర్చ్ అభివృద్ధికి రూ.1లక్ష విరాళాన్ని చెక్కు రూపంలో అంద‌జేశారు.
శేరిలింగంప‌ల్లిలో…
క్రిస్మస్ పండగను పురస్కరించుకుని శేరిలింగంపల్లి డివిజన్ పరిధిలోని పలు చర్చిల్లో స్థానిక కార్పొరేటర్ రాగం నాగేందర్ యాదవ్ పాల్గొని ప్రజలకు క్రిస్మస్ పండగ శుభాకాంక్షలు తెలిపారు. క్రిస్మస్ సందర్భంగా పాస్టర్లు ప్రత్యేక ప్రార్థనలు చేశారు. హుడా ట్రేడ్ సెంటర్, ఏపీహెచ్ బీ కాలనీ, సుదర్శన్ నగర్ ప్రాంతాల్లోని చర్చిల్లో క్రిస్మస్ కేకుల‌ను కార్పొరేటర్ రాగం నాగేందర్ యాదవ్ కట్ చేశారు. ఈ కార్యక్రమంలో పాస్టర్లు, గోపీనగర్ టీఆర్ఎస్ పార్టీ బస్తీ కమిటీ గౌరవ అధ్యక్షుడు గోపాల్ యాదవ్, నాయకులు కొయ్యాడ లక్ష్మణ్ యాదవ్, శ్రీకాంత్ యాదవ్, పట్లోళ్ల నర్సింహా రెడ్డి, సాయి పాల్గొన్నారు.
మియాపూర్‌లో…
మియాపూర్ డివిజన్ పరిధిలోని లక్ష్మీ నగర్, నడిగడ్డ తండా, సత్య లక్ష్మి నగర్ కాలనీలలో నిర్వ‌హించిన క్రిస్మస్ వేడుకల్లో కార్పొరేటర్ ఉప్పలపాటి శ్రీకాంత్ పాల్గొని కేక్ కట్ చేశారు. ప్రజలకు శుభాకాంక్షలు తెలియజేశారు. ఈ కార్యక్రమంలో తెరాస నాయకులు, కార్యకర్తలు పాల్గొన్నారు.
కొండాపూర్‌లో…
కొండాపూర్ డివిజన్ పరిధిలోని సిద్దిక్ నగర్ క‌ల్వ‌రి గాస్పెల్ చ‌ర్చిలో ప్ర‌భుత్వం అంద‌జేసిన దుస్తుల‌ను క్రిస్టియన్లకు కార్పొరేటర్ హ‌మీద్ ప‌టేల్ పంపిణీ చేశారు. అనంతరం క్రిస్మస్ కేక్ కట్ చేసి ప్రజలకు పండుగ శుభాకాంక్షలు తెలిపారు. ఈ కార్యక్రమంలో పాస్టర్ టీఆర్‌ రాజు, శ్రీనివాస్ రెడ్డి, చంద్రకాంత్, శ్యాముయేలు, జక్రయ్య, ప్రసాద్, క్రిస్టియన్ సంఘ సభ్యులు పాల్గొన్నారు.
రాయ‌దుర్గంలో…
గ‌చ్చిబౌలి డివిజన్ పరిధిలోని రాయ‌దుర్గం చ‌ర్చిలో క్రిస్మస్ వేడుక‌ల‌ను నిర్వ‌హించ‌గా ఈ కార్యక్రమంలో డివిజన్ కార్పొరేటర్ కొమిరిశెట్టి సాయిబాబా పాల్గొని చిన్నారుల‌తో కేక్ కట్ చేయించారు. అనంతరం వారికి బ‌హుమ‌తుల‌ను అంద‌జేశారు. నాయకులు రమేష్ గౌడ్, సుదీర్, పాస్టర్ సందీప్, చర్చ్ ప్రెసిడెంట్ సురేష్, జాన్ వెస్లీ, చర్చ్ సంఘం సభ్యులు, కార్యకర్తలు, బస్తి వాసులు పాల్గొన్నారు.
