నమస్తే శేరిలింగంపల్లి: ఆర్థిక ఇబ్బందులు తాళలేక ఆటో డ్రైవర్ అదృశ్యమైన సంఘటన గచ్చిబౌలి పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం మణికొండ కేపీఆర్ కాలనీ రోడ్డు నం 9 లో నివాసం ఉంటున్న రాగ్యా అనే వ్యక్తి ఆటో నడుపుతూ జీవిస్తున్నాడు. ఈ నెల 20 న డ్రైవర్ ఉద్యోగం కోసమని ఇంటి నుంచి బయల్దేరిన రాగ్యా తిరిగి రాలేదు. రాగ్యా కోసం తన భార్య దానవత్ రోజా చుట్టుపక్కలా వెతికినా, బంధువులు, స్నేహితులను ఆరా తీసినా ఆచూకీ తెలియలేదు. గత కొద్ది రోజులుగా రాగ్యా ఆర్థిక ఇబ్బందులతో మానసికంగా నిరాశకు లోనవుతూ బాధపడుతున్నట్లు తెలిసింది. భార్య దానవత్ రోజా ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
Advertisement
