శేరిలింగంప‌ల్లి, జ‌న‌వ‌రి 9 (న‌మ‌స్తే శేరిలింగంప‌ల్లి): తీవ్రస్థాయిలో అన్నవాహిక కుంచించుకుపోవటంతో బాధపడుతున్న సోమాలియాకు చెందిన 13 ఏళ్ల బాలుడికి విజయవంతంగా చికిత్స చేయడం ద్వారా అద్భుతమైన వైద్య మైలురాయిని హైటెక్ సిటీలోని మెడికవర్ ఉమన్ అండ్ చైల్డ్ హాస్పిటల్స్ సాధించింది. ఈ బాలుడు వయసుకు తగినట్లుగా 50 కిలోగ్రాముల ఆరోగ్యకరమైన బరువు ఉండాల్సి ఉండగా కేవలం 19 కిలోగ్రాముల బరువు మాత్రమే వున్నాడు. లాలాజలాన్నిమింగటం కూడా సమస్యగా పరిణమించటం వల్ల ప్రాణాంతక సమస్యలను ఎదుర్కొన్నాడు, ఇది నిరంతర పోషకాహార లోపం, ఎదుగుదల వైఫల్యానికి దారితీసింది.రోగి పరిస్థితిని బహుళ ఎండోస్కోపిక్ విస్తరణలతో మెరుగుపరచటానికి గతంలో ప్రయత్నించారు, కానీ మింగలేకపోవటం అనే సమస్య కొనసాగింది. మెడికవర్‌లోని అంకితమైన మల్టీడిసిప్లినరీ బృందం అతని మొత్తం ఆరోగ్యాన్ని పెంపొందించటంతో పాటుగా ఆహరం మింగేలా అతని సామర్థ్యాన్ని పునరుద్ధరించడానికి అత్యంత సంక్లిష్టమైన శస్త్రచికిత్స పరిష్కారాన్ని రూపొందించింది.
సీనియర్ కన్సల్టెంట్ పీడియాట్రిక్ సర్జన్ డాక్టర్ మధుమోహన్ రెడ్డి నేతృత్వంలో నిర్వహించిన ఈ ప్రక్రియలో రెట్రోస్టెర్నల్ విధానం ద్వారా పెద్దప్రేగు మార్పిడి జరిగింది. దీనిలో భాగంగా గొంతు దగ్గర అన్నవాహిక సరిచేయటంతో పాటుగా ఉదరం లోపల డిస్టల్ కోలో-గ్యాస్ట్రిక్ అనస్టోమోసిస్, సౌకర్యవంతమైన పనితీరు, వాహక సాధ్యతను నిర్ధారించడానికి కోలో-కోలిక్ అనస్టోమోసిస్ చేశారు. రికవరీ సమయంలో పోషకాహార అవసరాలకు మద్దతు ఇవ్వడానికి, ఫీడింగ్ జెజునోస్టోమీ కూడా నిర్వహించబడింది. ఈ శస్త్రచికిత్సకు అసాధారణమైన ఖచ్చితత్వం, బృందంగా కలిసి పనిచేయడం , శస్త్రచికిత్స అనంతర ప్రణాళిక అవసరం పడుతుంది. ఇది డాక్టర్ కిషోర్ రెడ్డి వై, కన్సల్టెంట్ సర్జికల్ గ్యాస్ట్రోఎంటరాలజిస్ట్, లివర్ ట్రాన్స్‌ప్లాంట్ సర్జన్, డాక్టర్ రవీందర్ రెడ్డి పరిగి, కన్సల్టెంట్ పీడియాట్రిషియన్ & నియోనాటాలజిస్ట్, డాక్టర్ జనార్దన్ రెడ్డి వి, కన్సల్టెంట్ పీడియాట్రిషియన్, ఇంటెన్సివిస్ట్ ల బృందం ఈ శస్త్రచికిత్సను చేసింది.
ఈ బాలుడు ఇప్పుడు కోలుకుంటున్నాడు, ఆహారాన్ని తీసుకోవడం జరుగుతుంది. బరువును తిరిగి పొందుతున్నాడు. ప్రపంచ స్థాయి పీడియాట్రిక్ కేర్ అందించడంలో మెడికవర్ నిబద్ధతను ఈ కేసు ఉదహరిస్తుంది. ఈ సంక్లిష్ట మైన కేసు విజయవంతమైన ఫలితం అరుదైన, సవాలుగా ఉన్న వైద్య పరిస్థితులను పరిష్కరించడంలో ఆసుపత్రి నైపుణ్యాన్ని వెల్లడిస్తుంది. మెడికవర్ హెల్త్‌కేర్‌లో నూతన ప్రమాణాలను ఏర్పరుస్తూనే ఉంది.
