న‌మ‌స్తే శేరిలింగంప‌ల్లి: చందాన‌గ‌ర్ శిల్పా ఎన్‌క్లేవ్‌లోని విశాఖ శ్రీ శార‌దా పీఠ‌పాలిత శ్రీ ల‌క్ష్మీ గ‌ణ‌ప‌తి దేవాలయ ప్రాంగ‌ణంలో రెండ‌వ రోజు ల‌క్ష దీపోత్స‌వం ఘ‌నంగా జ‌రిగింది. గురువారం అన్న‌పూర్ణ ఎన్‌క్లేవ్ సాయిబాబా దేవాల‌యం ఆద్వ‌ర్యంలో సాయిప‌ల్ల‌కి సేవా, దూప్‌హార‌తి కార్య‌క్ర‌మాలు నిర్వ‌హించారు. అదేవిధంగా ప్ర‌ముఖ నృత్య‌కారుడు బ్ర‌హ్మ‌శ్రీ సోమేశ్వ‌ర ప్ర‌సాద శ‌ర్మ సుంద‌రాకాండ నృత్య ప్ర‌ద‌ర్శ‌న‌తో భ‌క్తుల‌ను ఆల‌రించారు.
అనంత‌రం పరిసర ప్రాంతాల భ‌క్తులు పెద్ద సంఖ్య‌లో పాల్గొని రెండ‌వ రోజు 10 వేల దీపాలను వెలిగించారు. ప్ర‌ధానార్చ‌కులు ప‌వ‌న‌కుమార శ‌ర్మ, ముర‌ళీధ‌ర శ‌ర్మ బృందంల ప‌ర్య‌వేక్ష‌ణ‌లో కొనసాగిన ఈ ఉత్స‌వాల‌లో ఆల‌య వ్య‌వ‌స్థాప‌క చైర్మ‌న్ యూవీ ర‌మ‌ణ‌మూర్తి, క‌మిటి స‌భ్యులు చంద్ర‌శేఖ‌ర్‌, చెన్నారెడ్డి, శిల్పాఎన్‌క్లేవ్ కాల‌నీ సంక్షేమ సంఘం స‌భ్యులు, కాల‌నీ వాసులు, ఆల‌య సేవాద‌ళం స‌భ్యులు, పరిసర ప్రాంతాల భ‌క్తులు పెద్ద సంఖ్య‌లో పాల్గొన్నారు.
