గచ్చిబౌలి(నమస్తే శేరిలింగంపల్లి): గచ్చిబౌలి డివిజన్ ను అన్ని విధాలుగా అభివృద్ధికి నిరంతర కృషి చేస్తున్నానని స్థానిక కార్పొరేటర్ కొమిరిశెట్టి సాయిబాబా అన్నారు. సోమవారం డివిజన్ పరిధిలోని నానక్ రామ్ గుడా ఎస్సీ బస్తిలో రూ.73 లక్షలతో చేపడుతున్న నూతన సిసి రోడ్డు నిర్మాణ పనులను ఆయన పరిశీలించారుమ్ కాగా బస్తీవాసులు స్థానికంగా నెలకొన్న డ్రైనేజీ సమస్యను కార్పొరేటర్ దృష్టికి తీసుకువచ్చారు. ఈ సందర్భంగా సాయిబాబ మాట్లాడుతూ డివిజన్ ప్రజలకు ఎలాంటి సమస్యలు తలెత్తినా వెంటనే పరిష్కారానికి కృషి చేస్తున్నామన్నారు. టిఆర్ఎస్ ప్రభుత్వ హయాంలో డివిజన్ల రూపు రేఖలు మారిపోయాయని తెలిపారు. ప్రజా సమస్యలు వెనువెంటనే పరిష్కారానికి నోచుకుంటున్నాయని తెలిపారు. ఈ పర్యటనలో డిఈ శ్రీనివాస్, వర్క్ ఇన్స్పెక్టర్ శ్రీకాంత్ తదితరులు పాల్గొన్నారు.
Advertisement
