ఆల్విన్ కాలనీ (న‌మ‌స్తే శేరిలింగంపల్లి): ఆల్విన్ కాలనీ డివిజన్ కార్పొరేటర్ దొడ్ల వెంక‌టేష్ గౌడ్ 7వ రోజు బ‌స్తీ బాట‌లో భాగంగా డివిజన్ ప‌రిధిలోని ఆల్విన్ కాలనీ ఫేజ్ 1లో ప‌ర్య‌టించారు. ఈ సంద‌ర్భంగా ఆయ‌న స్థానికుల సమస్యలను అడిగి తెలుసుకున్నారు.
ఈ కార్యక్రమంలో కాలనీవాసులు ప‌లు సమస్యలను కార్పొరేటర్ దృష్టికి తీసుకొచ్చారు. తాగునీరు ప్రెష‌ర్ స‌రిగ్గా రావడంలేదని అన్నారు. అరగంటసేపు మాత్ర‌మే నీటిని సరఫరా చేసి నిలిపివేస్తున్నారని అన్నారు. వర్షం కురిసిన ప్రతిసారీ వ‌ర‌ద‌నీటి కాలువ వ‌ల్ల ఇబ్బందులు క‌లుగుతున్నాయ‌ని తెలిపారు. ఇందుకు స్పందించిన కార్పొరేటర్ మాట్లాడు‌తూ.. జలమండలి అధికారులకు ఇప్పటికే ఫిర్యాదు చేశామని తెలిపారు. వరద నీటి కాలువల‌ను కూడా త్వ‌రగా విస్తరించి సమస్యలను పరిష్కరిస్తామని కాలనీవాసుల‌కు ఆయ‌న హామీ ఇచ్చారు.
ఈ కార్యక్రమంలో యువ నాయకుడు రామకృష్ణ గౌడ్, డివిజన్ తెరాస అధ్యక్షుడు జిల్లా గణేష్, వార్డు సభ్యుడు కాశీనాథ్ యాదవ్, కాలనీ సంక్షేమ సంఘం సభ్యులు సమ్మా రెడ్డి, శ్రీకాంత్, ప్రభాకర్, వెంకట్ రావు, పద్మజ్యోతి, చాణ‌క్య, కరణ్ సింగ్, ఎజాజ్ తదితరులు పాల్గొన్నారు.
