నమస్తే శేరిలింగంపల్లి: హైదరాబాద్ బండ్లగూడ పరిధిలోని మహావీర్ ఇంజనీరింగ్ కాలేజీలో శనివారం బిజెపి రాష్ట్ర కార్యవర్గ సమావేశం నిర్వహించారు. ఈ కార్యక్రమంలో రాజకీయ తీర్మాణాలు, తెలంగాణ ఆర్థిక స్థితి, రాష్ట్రంలో అవినీతి, టీఆర్ఎస్ నియంత పాలన, దళిత బంధు, తెలంగాణ రైతు గోస, ధరణి లోపాలు, నిరుద్యోగ సమస్య ఉద్యోగాల భర్తీకై, ఉపాధి కల్పనకై తీర్మానాలను ప్రతిపాదించి రాష్ట్ర కార్యవర్గం ఆమోదించింది. ఈ కార్యక్రమంలో బిజెపి రాష్ట్ర అధ్యక్షులు బండి సంజయ్, కేంద్ర మంత్రివర్యులు కిషన్ రెడ్డి, ఎమ్మెల్యేలు ఈటల రాజేందర్, రఘునందన్ రావు, పార్టీ పెద్దలు, రాష్ట్ర సీనియర్ నాయకులు, బిజెపి రాష్ట్ర కార్యవర్గ సభ్యులు జ్ఞానేంద్ర ప్రసాద్ పాల్గొన్నారు.
Advertisement
