నమస్తే శేరిలింగంపల్లి: తెలంగాణ రాష్ట్ర ఖ్యాతిని ప్రపంచ నలుమూలల చాటేలా దేహ దారుఢ్యం పోటీల్లో రాణించాలని చేవెళ్ల పార్లమెంటు సభ్యులు డాక్టర్ గడ్డం రంజిత్ రెడ్డి అన్నారు. ఉజ్బేకిస్తాన్ లో జరిగిన ప్రపంచ బాడీ బిల్డింగ్ పోటీలలో బంగారు పతకం సాధించిన టి.రామకృష్ణ ను చేవెళ్ల లోక్ సభ సభ్యులు డా.జి రంజిత్ రెడ్డి అభినందించారు. బాడీ బిల్డర్ రామకృష్ణ మర్యాదపూర్వకంగా ఎంపీ రంజిత్ రెడ్డిని కలిశారు. ఈ సందర్భంగా ఎంపీ రంజిత్ రెడ్డి మాట్లాడుతూ ప్రపంచ బాడీ బిల్డింగ్ పోటీలలో బంగారు పతకం సాధించడం మాములు విషయం కాదన్నారు. అందుకు‌గాను ఎంతో కార్యదక్షత, శ్రమ, పట్టుదల కలిగి ఉండాలన్నారు. రాబోయే రోజుల్లో తెలంగాణ రాష్ట్రం తరపున ప్రపంచ నలుమూలల జరిగే పోటీల్లో పాల్గొని విజయం సాధించాలని ఆకాంక్షించారు. ఈ కార్యక్రమంలో ఎంపీ రంజిత్ అన్న యువసేన అధ్యక్షులు ఆశిల శివ, రంజిత్ అన్న యూత్ అసోసియేషన్ అధ్యక్షుడు రామ్ కటకం, ప్రేమ్ కుమార్, హైటెక్ సిటీ లోకేష్, నందు, అనీల్, తదితరులు పాల్గొన్నారు.
