చందానగర్ (నమస్తే శేరిలింగంపల్లి): చందానగర్ లోని విశాఖ శ్రీ శారదా పీఠపాలిత వెంకటేశ్వర ఆలయ సముదాయంలో ఆదివారం శ్రీ వారి కళ్యాణ మహోత్సవం ఘనంగా జరిగింది. వెంకటేశ్వరస్వామి జన్మనక్షత్రమైన శ్రవణా నక్షత్రాన్ని పురస్కరించుకుని ఆలయ ప్రధాన అర్చకులు, పీఠం తెలంగాణ రాష్ట్ర ఆగమ సలహాదారు సుదర్శనం సత్యసాయి పర్యవేక్షణలో అర్చనలు అభిషేకాలతో పాటు పద్మావతి గోదాదేవి సమేత శ్రీనివాసుడి కల్యాణం జరిపించారు. కోవిడ్ నిబంధనల నేపథ్యంలో భక్తులు పరిమిత సంఖ్యలో హాజరై స్వామి వారి కల్యాణాన్ని తిలకించారు. ఈ కార్యక్రమంలో ఆలయ పాలక మండలి సభ్యులు, ఆలయ సిబ్బంది పాల్గొన్నారు.
Advertisement
