హఫీజ్ పేట, మాదాపూర్(నమస్తే శేరిలింగంపల్లి): హఫీజ్ పేట, మాదాపూర్ డివిజన్ ప్రజలకు ఎల్లపుడు అందుబాటులో ఉంటూ, ప్రతి మౌళిక వసతుల సమస్యల పరిష్కారానికి కృషి చేస్తున్నామని మాదాపూర్ డివిజన్ కార్పొరేటర్ వి.జగదీశ్వర్ గౌడ్ అన్నారు. బుధవారం హఫీజ్ పేట్ డివిజన్ పరిధిలోని ఓల్డ్ హఫీజ్ పెట్ గ్రామం, కుమ్మరి బస్తీలో నూతనంగా చేపట్టిన అండర్ గ్రౌండ్ డ్రైనేజీ పనులను జగదీశ్వరగౌడ్ స్థానిక నాయకులతో కలిసి పరిశీలించారు. అనంతరం మాదాపూర్ డివిజన్ పరిధిలోని కృష్ణ కాలనీలో నూతనంగా నిర్మించిన సీసీ రోడ్డు పనులను స్థానిక నాయకులతో కలిసి పరిశీలించారు.
ఈ సందర్భంగా జగదీశ్వరగౌడ్ మాట్లాడుతూ మున్సిపల్ శాఖమంత్రి కేటీఆర్ నాయకత్వంలో డివిజన్ సమస్యలను ఎప్పటికప్పుడు పరిష్కారం దిశగా అడుగులు వేస్తున్నామని అన్నారు. హఫీజ్ పేట, మాదాపూర్ డివిజన్ అభివృద్ధి పనులు దశల వారిగా పూర్తిచేస్తామని తెలిపారు. కార్యక్రమ అనంతరం స్థానికులతో కలిసి బస్తీలో పర్యటించిన ఆయన ప్రజలను స్థానిక సమస్యలపై ఆరా తీశారు. ఈ పర్యటనలో సీనియర్ నాయకులు బాలింగ్ యాదగిరి గౌడ్, వార్డ్ సభ్యులు కనకమామిడి వెంకటేష్ గౌడ్, నాయకులు బాలింగ్ గౌతమ్ గౌడ్, నరేందర్ గౌడ్, ఆనంద్ గౌడ్, శేఖర్ గౌడ్, రామకృష్ణ గౌడ్, సాయికృష్ణ గౌడ్, మల్లేష్, ఏరియా సభ్యులు శ్రీనివాస్ గౌడ్,సుదర్శన్,రవి కుమార్, కృష్ణ యాదవ్, బాబు, శంకర్ యాదవ్, హరి, వెంకటేష్, సత్యనారాయణ, కృష్ణ కాలనీ బస్తి అధ్యక్షులు కృష్ణయాదవ్, నాయకులు నర్సింగరావు, ఉదయ్, యూసుఫ్, భాస్కర్, శంకర్, రవి కుమార్, రాణి, శిరీష, మంజుల తదితరులు పాల్గొన్నారు.
