- మ‌త సామ‌ర‌స్యం చాటి నిధి సమర్పణ చేసిన ముస్లీం సోద‌రుడు
నమస్తే శేరిలింగంప‌ల్లి: అయోధ్య‌లో నిర్మిత‌మ‌వ‌నున్న భవ్య రామ మందిర నిర్మాణం కోసం దేశ వ్యాప్తంగా జ‌రుగుతున్న నిధి సమర్పణ అభియాన్ కు శేరిలింగంప‌ల్లి నియోజ‌క‌వ‌ర్గంలో అనూహ్య స్పంద‌న ల‌భించింది. రామ సేవ‌కులు ప‌లువురు ప్ర‌ముఖుల‌కు మందిర విశేష‌త, నిర్మాణంలో భాగ‌స్వామ్యంపై వివ‌రించ‌గా ధాత‌ల నుండి విశేష స్పంద‌న ల‌భించింది. ప‌లువురు వ్యాపారులు, రాజ‌కీయ పార్టీల‌కు చెందిన నాయకులు భవ్య రామ మందిర నిర్మాణానికి పెద్ద ఎత్తున నిధి సమర్పణ చేశారు.
రూ.2 ల‌క్ష‌ల నిధి సమర్పణ చేసిన ప్ర‌ముఖ వైద్యుడు
శేరిలింగంప‌ల్లి ప్రాంతానికి చెందిన ఓ ప్ర‌ముఖ వైద్యుడు అయోధ్య శ్రీ భవ్య రామమందిర నిర్మాణానికి రూ.2 లక్షలు నిధి సమర్పణ చేశారు. రామకార్యంలో భాగస్వామ్యులైన వైద్యుడికి రామసేవకులు కృత‌జ్ఞ‌త‌లు తెలిపారు.
ఎన్.సుధాకర్ గౌడ్ రూ.1,11,111 నిధి సమర్పణ…
ఫణి ఎన్విర్ కెమికల్స్‌ లిమిటెడ్ అధినేత ఎన్ సుధాకర్ గౌడ్, మంజుల దంపతులు అయోధ్య రామ మందిర నిర్మాణానికి రూ.1,11,111, వారి కుమార్తె కీర్తి ప్రియగౌడ్ రూ.1100, కుమారుడు ఫణిశేఖర్ గౌడ్ రూ.500 నిధిని ఆర్ ఎస్ ఎస్ సికింద్రాబాద్ విభాగ్ ప్రచారక్ యాదిరెడ్డి, కూక‌ట్‌ప‌ల్లి నగర సంఘచాలక్ కొండల్ రావు, భాగ్ భౌద్ధిక్ ప్రముఖ్ పవన్, బిజెపి నాయకులు ఏకాంత్ గౌడ్, రామసేవకులు పుట్ట వినయకుమార్ గౌడ్ ల‌కు అందజేశారు. రామకార్యంలో భాగస్వాములైన సుధాకర్ కుటుంబసభ్యులకు రామసేవకులు కృత‌జ్ఞ‌త‌లు తెలియ‌జేశారు.
కోల‌న్ న‌ర్సింహ‌రెడ్డి రూ.1,00,116 నిధి సమర్పణ…
నిజాంపేట్ వాస్తవ్యులు, తెలుగుదేశంపార్టీ మల్కాజ్ గిరి పార్లమెంట్ ఉపాధ్యక్షుడు కొలన్ న‌ర్సింహ‌రెడ్డి అయోధ్య శ్రీ భవ్య రామమందిర నిర్మాణం కోసం రూ.1,00,116/- నిధిని RSS సికింద్రాబాద్ విభాగ్ ప్రచారక్ యాదిరెడ్డి, ఐటీ మిలన్ ప్రగతిపురం ఖండ కార్యవాహ్ సునిల్, బిజెపి నాయకులు ఏకాంత్ గౌడ్‌ల, రామసేవకులు పుట్ట వినయకుమార్ గౌడ్ ల‌కు అందజేశారు. రామ కార్యంలో భాగస్వాములైన నర్సింహా రెడ్డికి రామసేవకులు కృత‌జ్ఞ‌త‌లు తెలిపారు.
కార్పొరేటర్ ఏనుగుల శ్రీ‌కాంత్ రెడ్డి రూ.1,00,116 నిధి సమర్పణ…
నిజాంపేట్ మున్సిపల్ కార్పొరేషన్ టీఆర్ఎస్ కార్పొరేటర్ ఏనుగుల శ్రీనివాస్ రెడ్డి అయోధ్య శ్రీ భవ్య రామమందిర నిర్మాణం కోసం రూ.1,00,116 నిధిని ఆర్ ఎస్ ఎస్ సికింద్రాబాద్ విభాగ్ ప్రచారక్ యాదిరెడ్డి, ఐటీ మిలన్ ప్రగతిపురం ఖండ కార్యవాహ్ సునిల్, బిజెపి నాయకులు ఏకాంత్ గౌడ్, రామసేవకులు పుట్ట వినయకుమార్ గౌడ్ ల‌కు అందజేశారు. రామకార్యంలో భాగస్వాములైన శ్రీనివాస్ రెడ్డికి రామసేవకులు కృత‌జ్ఞ‌త‌లు తెలిపారు.
రామ మందిర నిర్మాణానికి ముస్లీం సోద‌రుడి నిధి సమర్పణ…
అయోధ్య రామ మందిర నిర్మాణంలో మ‌రో ముస్లీం సోద‌రుడు నిధి సమర్పణ చేసి మ‌త సామ‌ర‌స్యాన్ని చాటాడు. కొండాపూర్ డివిజన్ వార్డుమెంబర్, టిఆర్ఎస్ ,మైనారిటి నాయకులు చాంద్ పాషా అయ్యోధ్య శ్రీ భవ్య రామమందిర నిర్మాణానికి రూ.1 లక్ష నిధిసమర్పణ చేశారు. రంగారెడ్డి జిల్లా పరిషత్ మాజి వైస్ చైర్మన్ నందకుమార్ యాదవ్, ఆర్ఎస్ఎస్ కుకట్ పల్లి భాగ్ సహ కార్యవాహ్ యాదగిరి, బిజెపి జిల్లా ప్రధాన కార్యదర్శి చింతకిందిగోవర్ధన్ గౌడ్, నాయకులు అందెల కుమార్ యాదవ్, రామసేవకులు పుట్ట వినయకుమార్ గౌడ్ ల‌కు చెక్కు అందజేశారు. కులమతాలకు అతీతంగా శ్రీరామకార్యంలో భాగస్వామ్యమైన చాంద్ పాషాకు రామసేవకులు కృత‌జ్ఞ‌త‌లు తెలిపారు.
బిజెపి నాయకులు ఏశం శ్రీ‌శైలం యాదవ్ రూ.50,116 నిధి సమర్పణ
గంగారం వాస్తవ్యులు, బిజెపి ఓబీసీ మోర్చ రాష్ట్ర కార్యవర్గ సభ్యులు ఏశంశ్రీశైలంయాదవ్ అయ్యోధ్య శ్రీ భవ్య రామమందిర నిర్మాణానికి రూ.50,116 నిధి సమర్పణ చేశారు. రంగారెడ్డి జిల్లా పరిషత్ మాజి వైస్ చైర్మన్ నందకుమార్ యాదవ్, ఆర్ఎస్ఎస్ భాగ్ సహ కార్యవాహ్ యాదగిరి, బిజెపి జిల్లా ప్రధాన కార్యదర్శి చింతకింది గోవర్ధన్ గౌడ్, నాయకులు అందెల కుమార్ యాదవ్, రామసేవకులు పుట్ట వినయకుమార్ గౌడ్ ల‌కు చెక్కు అందజేశారు. శ్రీ రామకార్యంలో భాగస్వామ్యులైన రామసేవకులు కృత‌జ్ఞ‌త‌లు తెలిపారు.
టిఆర్ ఎస్ నాయకులు ఉరిటి వెంక‌ట్రావ్ రూ.50 వేల నిధి సమర్పణ
చందాన‌గ‌ర్ డివిజన్ టిఆర్ ఎస్ నాయకులు, ఎస్‌విఎస్ ఇన్‌ఫ్రా అధినేత ఉరిటి వెంక‌ట్రావు అయోధ్య రామ మందిర నిర్మాణానికి రూ.50ఏ వేల నిధి సమర్పణ చేశారు. రంగారెడ్డి జిల్లా పరిషత్ మాజి వైస్ చైర్మన్ నందకుమార్ యాదవ్, ఆర్ఎస్ఎస్ కుకట్ పల్లి భాగ్ సహ కార్యవాహ్ యాదగిరి, బిజెపి జిల్లా ప్రధాన కార్యదర్శి చింతకిందిగోవర్ధన్ గౌడ్, సీనియ‌ర్ నాయకులు మ‌హిపాల్ రెడ్డి, రామసేవకులు పుట్ట వినయకుమార్ గౌడ్ ల‌కు నిధి సమర్పణ చెక్కును అందజేశారు. రామకార్యంలో భాగస్వాములైన ఉరిటి వెంక‌ట్రావుకు రామసేవకులు కృత‌జ్ఞ‌త‌లు తెలిపారు.
