శేరిలింగంపల్లి (న‌మ‌స్తే శేరిలింగంపల్లి): శేరిలింగంపల్లి డివిజన్ తెరాస రెబల్ అభ్యర్థిగా ఆ పార్టీ సీనియర్ నాయకుడు కలివేముల వీరేశం గౌడ్ నామినేషన్ వేశారు. ఈ మేర‌కు ఆయ‌న శుక్ర‌వారం రిట‌ర్నింగ్ అధికారికి నామినేషన్ ప‌త్రాల‌ను స‌మ‌ర్పించారు. జీహెచ్ఎంసీ ఎన్నికల్లో శేరిలింగంపల్లి డివిజన్ నుండి తెరాస అభ్యర్థిగా పోటీ కోసం కలివేముల వీరేశం గౌడ్ తీవ్రంగా ప్రయత్నం చేశారు. తెలంగాణ రాష్ట్ర ఉద్యమకారుడిగా అధిష్టానం తనకు టికెట్ కేటాయిస్తుందని భావించగా, అధిష్టానం సిట్టింగ్ కార్పొరేటర్ నాగేందర్ యాదవ్ కె మరోసారి అవకాశం కల్పించింది. దీంతో నిరాశ చెందిన వీరేశం గౌడ్ శేరిలింగంపల్లి డివిజన్ టీఆర్ఎస్ రెబెల్ అభ్యర్థిగా నామినేషన్ వేశారు.
Advertisement
