నమస్తే శేరిలింగంపల్లి: హఫీజ్ పెట్ డివిజన్ పరిధిలోని ప్రజలకు మెరుగైన మౌలిక వసతుల కల్పనకు కృషి చేస్తామని స్థానిక కార్పొరేటర్ పూజిత జగదీశ్వర్ గౌడ్ పేర్కొన్నారు. హఫీజ్ పేట్ డివిజన్ పరిధిలోని సాయి నగర్ లో నూతనంగా చేపట్టిన అండర్ గ్రౌండ్ డ్రైనేజీ పనులను మాదాపూర్ డివిజన్ కార్పొరేటర్ వి.జగదీశ్వర్ గౌడ్, స్థానిక నాయకులతో కార్పొరేటర్ పూజిత గౌడ్ పరిశీలించారు. కాలనీలో నెలకొన్న సమస్యలను ప్రజలను అడిగి తెలుసుకున్నారు. ప్రతి కాలనీ, బస్తీలో ప్రజలకు మెరుగైన మౌళికవసతులు కల్పించడమే ప్రధాన ద్యేయంగా ముందుకు సాగుతున్నామని కార్పొరేటర్ పూజిత గౌడ్ చెప్పారు. ప్రజలకు అందుబాటులో ఉంటూ సమస్యల పరిష్కారానికి కృషి చేస్తామని అన్నారు. డివిజన్ పరిధిలో మంజూరైన అభివృద్ధి పనులను త్వరగా పూర్తి చేసి ప్రజలకు అందుబాటులోకి తీసుకువచ్చేలా చూస్తామని పేర్కొన్నారు. ఈ కార్యక్రమంలో సీనియర్ నాయకులు బాలింగ్ యదగిరి గౌడ్, కనకమామిడి నరేందర్ గౌడ్, సాయి నగర్ బస్తి అధ్యక్షులు సంజు సాగర్, నాయకులు లాలూ పటేల్, ముజీబ్, పాషా, సలాం, సిద్ధప్ప, విశ్వనాథ్, రాజు, యూసుఫ్, రియాజ్ తదితరులు పాల్గొన్నారు.
