న‌మ‌స్తే శేరిలింగంపల్లి: గచ్చిబౌలి డివిజన్ ప‌రిధిలోని నేతాజీ నగర్ కాలనీ షిరిడి సాయిబాబా ఆలయంలో ఆదివారం ధన్వంతరి ఆయుష్ మృత్యుంజయ మహా రుద్ర హోమం హోమం నిర్వ‌హించారు. ఆలయ 13వ వార్షికోత్స‌వాన్ని పుర‌స్క‌రించుకుని ఆలయ ప్రధాన అర్చకులు జోషి రాఘవేంద్ర శర్మ నేతృత్వంలో క‌రోనా మ‌హ‌మ్మారి పూర్తిగా న‌శించిపోవాల‌ని ఈ హోమాన్ని ఆచ‌రించారు. ఈ ప్ర‌త్యేక పూజా మ‌హోత్స‌వంలో నేతాజీన‌గ‌ర్ కాలనీ సంక్షేమ సంఘం అధ్య‌క్షుడు భేరి రాంచంద‌ర్ యాద‌వ్‌, నాయ‌కులు వెంక‌టేశ్ ముదిరాజ్‌, సాయి భ‌క్త బృందంతో పాటు ప‌రిస‌ర ప్రాంతాల భ‌క్తులు పెద్ద సంఖ్య‌లో పాల్గొని సాయినాథుని ద‌ర్శించుకున్నారు.
Advertisement
