ఆల్విన్ కాలని(నమస్తే శేరిలింగంపల్లి): ఆల్విన్ కాలనీ డివిజన్ పరిధి లోని మహంకాళి నగర్ లో కార్పొరేటర్ దొడ్ల వెంకటేష్ గౌడ్ స్థానిక సమస్యలపై బస్తీ బాట కార్యక్రమం నిర్వహించారు. ఈ సందర్భంగా బస్తీలో పర్యటించిన ఆయన కాలనీ వాసులతో మాట్లాడుతూ సమస్యలను అడిగి తెలుసుకున్నారు. వీధిదీపాలు, అండర్ గ్రౌండ్ డ్రైనేజీ సమస్యలను స్థానికులు ఆయన దృష్టికి తీసుకురాగా, సమస్యలపై స్పందించిన వెంకటేష్ గౌడ్ మాట్లాడుతూ కాలనీలో ఇప్పటికే 80 శాతం పనులు పూర్తి చేశామని వీధిదీపాల సమస్యను రెండు రోజులు పరిష్కరించేలా చర్యలు తీసుకుంటామని తెలిపారు. డ్రైనేజీ సమస్యకు శాశ్వత పరిష్కారం చూపుతానని కాలనీవాసులకు హామీ ఇచ్చారు. ఈ కార్యక్రమంలో డివిజన్ అధ్యక్షులు గణేష్, వార్డు సభ్యులు శీను, కాశీనాథ్ యాదవ్, నాయకులు రాజేష్ చంద్ర, రాములు గౌడ్, భాస్కర్, వాసు, యాదగిరి, మౌలానా, నాగభూషణం, వెంకటేష్, అశోక్ ,రామచందర్, రాజు పటేల్, ప్రదీప్ రెడ్డి, కాలనీ సంక్షేమ సంఘం సభ్యులు బాబూలాల్, రమేష్, సంగారెడ్డి, నిరంజన్ తదితరులు పాల్గొన్నారు.
