మియాపూర్ (నమస్తే శేరిలింగంపల్లి): పోలీసు అమరవీరుల సంస్మరణ వారోత్సవాల్లో భాగంగా మియాపూర్, చందానగర్ పోలీస్ స్టేషన్ ల ఆధ్వర్యంలో బుధవారం రక్తదాన శిబిరం నిర్వహించారు. జెపినగర్ విశ్వనాథ్ గార్డెన్స్ లో జరిగిన శిబిరంలో పోలీసులతో పాటు స్థానిక యువత 67 మంది పాల్గొని ఉత్సాహంగా రక్తదానం చేశారు. ఈ కార్యక్రమంలో ముఖ్య అతిథిగా పాల్గొన్న మియాపూర్ ఏసిపి కృష్ణప్రసాద్ స్థానిక ఇన్ స్పెక్టర్ సామల వెంకటేష్, చందానగర్ డీఐ నర్సింగ్ రావులతో కలసి రక్తదాతలకు ప్రశంసా పత్రాలు అందజేశారు.
ఈ సందర్భంగా ఏసిపి కృష్ణప్రసాద్ మాట్లాడుతూ ప్రజల రక్షణ కోసం ప్రాణాలను త్యజించిన పోలీసు అమర వీరులను స్మరించుకుంటూ రక్తదానం చేయడం అభినందనీయమని అన్నారు. రక్షణ విషయంలో పోలీసులకు ప్రజల సహకారం తోడైతే ఎంతవరకైనా పోరాడుతారని అన్నారు. ఈ కార్యక్రమంలో స‌బ్ ఇన్‌స్పెక్ట‌ర్లు, రమేష్, రాములు, వెంకటేష్, శ్మామ్ ప్రసాద్, అహ్మద్ పాష, రవికిర‌ణ్‌, వీర‌భ్ర‌హ్మం, మౌనిక, యాద‌గిరి, ల‌క్ష్మీనారాయ‌ణ, ఏఎస్ఐ లు ప్రేమ, రామంచంద‌ర్, మ‌ల్లేష్, ఎంజీఆర్ హాస్పిటల్ చైర్మన్ గంగాధర్ రావు త‌దత‌రులు పాల్గొన్నారు.
