నమస్తే శేరిలింగంపల్లి: నల్లగండ్ల రైల్ విహార్ కాలనీలో ప్రమాదవశాత్తు గ్యాస్ సిలిండర్ పేలి ఒకరు మరణించగా, మరో ఇద్దరు తీవ్రంగా గాయపడ్డారు. సిలిండర్ పేలుడు ధాటికి ఇంటి పై కప్పు కూలిపోగా, భవనం కుంచించుకు పోయింది, ప్రమాద ఘటనపై స్థానికుల ద్వారా సమాచారం అందుకున్న పోలీసులు ఘటనా స్థలానికి చేరుకుని శిథిలాల నుంచి మృతదేహాన్ని వెలికితీశారు. క్షతగాత్రులను చికిత్స నిమిత్తం ఆస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
ఈ ఘటన లో ఐస్ క్రీం వ్యాపారం చేసుకునే రాజస్తాన్ కి చెందిన అంబాలాల్ నాయక్ (21) మృతిచెందాడు. రాజస్థాన్ లక్ష్మీపురం గ్రామానికి చెందిన మరో ఇద్దరు రాహుల్ శర్మ(21), ప్రకాష్(23) గాయపడగా.. నారాయణ్ లాల్ సురక్షితంగా భయపడి కొంత షాక్ లో ఉన్నాడు. వీరు ఉస్మానియా జనరల్ ఆసుపత్రిలో చికిత్స పొందుతున్నారు.
Advertisement
