- కార్పొరేట‌ర్ వి.పూజిత జగదీశ్వర్ గౌడ్
హ‌ఫీజ్‌పేట (న‌మ‌స్తే శేరిలింగంప‌ల్లి): హైదరాబాద్ నగరాన్ని విశ్వనగరంగా తీర్చిదిదడమే టీఆర్ఎస్ ప్రభుత్వ లక్ష్యమని హ‌ఫీజ్‌పేట డివిజ‌న్ కార్పొరేట‌ర్ వి.పూజిత జగదీశ్వర్ గౌడ్ అన్నారు. డివిజ‌న్ ప‌రిధిలోని మ‌దీనాగూడ వ‌ద్ద జీహెచ్ఎంసీ ఆధ్వ‌ర్యంలో నూత‌నంగా ఏర్పాటు చేసిన బ‌స్ షెల్ట‌ర్‌ను శ‌నివారం కార్పొరేట‌ర్లు పూజిత, జగదీశ్వర్ గౌడ్‌లు ప్రారంభించారు. ఈ సంద‌ర్భంగా పూజిత జగదీశ్వర్ గౌడ్ మాట్లాడుతూ ప్ర‌యాణికుల‌కు మెరుగైన సౌక‌ర్యాల‌ను క‌ల్పించేందుకే అధునాత‌న రీతిలో బ‌స్ షెల్ట‌ర్ల‌ను నిర్మించ‌డం జ‌రుగుతుంద‌న్నారు. బ‌స్ షెల్ట‌ర్ల వ‌ద్ద ప్ర‌యాణికుల సౌక‌ర్యార్థం స్వ‌చ్ఛ టాయిలెట్ల‌ను కూడా ఏర్పాటు చేస్తున్నామ‌ని తెలిపారు. ఈ కార్య‌క్ర‌మంలో మదీనగూడా టీఆర్ఎస్ బస్తీ అధ్యక్షుడు బాలరాజు యాదవ్, యాదగిరి, వాలా హరీష్ రావు, జనార్దన్ గౌడ్, శ్రీనివాస్ గౌడ్, ఆంజనేయులు, సత్యనారాయణ, నవీన్ యాదవ్, సతీష్ పాల్గొన్నారు.
