గచ్చిబౌలి (న‌మస్తే శేరిలింగంప‌ల్లి): గచ్చిబౌలిలో శనివారం జరిగిన అయోధ్య రామాలయ నిర్మాణ విరాళాల సేకరణ కార్యక్రమంలో గోషామహల్ ఎమ్మెల్యే రాజా సింగ్, గచ్చిబౌలి బీజేపీ కార్పొరేటర్ గంగాధర్ రెడ్డి పాల్గొన్నారు. ఈ సందర్భంగా వారు మాట్లాడుతూ అయోధ్య రామాలయం నిర్మాణానికి ప్రతి ఒక్కరు తమ వంతు సహాయం చేయాలని కోరారు. రామాలయ నిర్మాణ విరాళాల సేకరణ విషయంలో అధికార పార్టీ ఎమ్మెల్యేలు అనుచిత వ్యాఖ్యలు చేస్తున్నారని అది సరైంది కాదన్నారు. ఈ సందర్భంగా గచ్చిబౌలి ఇందిరానగర్ కు చెందిన కన్నయ్యలాల్ రూ..25 లక్షలు విరాళంగా అందించారు. ఈ కార్యక్రమంలో నాయకులు, తెలంగాణ సమర ప్రచారక్ శ్రీధర్, గచ్చిబౌలి సమర ప్రచారక్ రమేశ్ విట్టల్, కార్యకర్తలు పాల్గొన్నారు.
Advertisement
