నమస్తే శేరిలింగంపల్లి:మాదాపూర్ శిల్పారామంలో ఆల్ ఇండియా సారీ మేళా సందర్బంగా ఆదివారం యంపీ థియేటర్ లో డాక్టర్ రమాదేవి శిష్య బృందం చేసిన కూచిపూడి నృత్య ప్రదర్శన ఆహుతులను ఎంతగానో ఆకట్టుకుంది. వినాయక కౌతం, పడవర్ణం, ఆధ్యాత్మ రామాయణ కీర్తన, నమశ్శివాయతేయ్, తుల్జా రాజేంద్ర శబ్దం, ముత్తు స్వామి దీక్షితర్ కీర్తన, శ్రీ రామ పట్టాభిషేకం, లింగరాజా కీర్తన, అన్నమాచార్య కీర్తన, శివాష్టకం తదితర అంశాలను ప్రదర్శించి అందరిని మెప్పించారు. కళాకారులు మల్లికా, సహస్ర, శాన్విత, శ్లోక, హర్షిని, వైష్ణవి, యోగితా రాజ్ , షూర్య, శ్రీజ తదితరులు ఈ ప్రదర్శనలు చేశారు. ప్రముఖ నర్తకులు సంజయ్ జోషి, నిర్మల ప్రభాకర్ విచ్చేసి నృత్య కళాకారులను ప్రోత్సహించారు.
Advertisement
