- మొద‌టి సోమ‌వారం దేవాల‌యాల్లో భ‌క్తుల సంద‌డి
శేరిలింగంప‌ల్లి (న‌మ‌స్తే శేరిలింగంప‌ల్లి): కార్తీక మాసం ప్రారంభ‌మైన నేప‌థ్యంలో శేరిలింగంప‌ల్లిలోని ప్ర‌ధాన ఆల‌యాల్లో సంద‌డి వాతావ‌ర‌ణం నెల‌కొంది. మొద‌టి రోజే సోమ‌వారం అవ్వ‌డంతో ఆల‌యాల్లో ప్ర‌త్యేక పూజ‌లు ఘ‌నంగా నిర్వ‌హించారు. విశాఖ శ్రీ శార‌ద పీఠ‌ం ప‌రిధిలోని చందాన‌గ‌ర్ వెంక‌టేశ్వ‌రాల‌యం, శిల్పా ఎన్‌క్లేవ్‌లోని శ్రీ ల‌క్ష్మీ గ‌ణ‌ప‌తి దేవాల‌యం, అన్న‌పూర్ణ ఎన్‌క్లేవ్‌లోని అన్న‌పూర్ణ స‌మేత కాశీ విశ్వేష్వ‌రాల‌యాలం అదేవిధంగా దేవాదాయ ధ‌ర్మాదాయ శాఖ ప‌రిధిలోని తారానగర్ శ్రీ తుల్జా భ‌వానీ ఆల‌యంలో శివుడికి అర్చ‌న‌లు అభిషేకాలు నిర్వ‌హించారు. అదేవిధంగా సాయం సంధ్య వేళ ముక్కోటి దేవ‌త‌ల‌ను ఆరాధిస్తూ ఆకాశ దీపాల‌ను వెలింగించారు. ప‌రిస‌ర ప్రాంతాల భ‌క్తులు పెద్ద సంఖ్య‌లో దేవాల‌యాల‌కు విచ్చేసి ప్ర‌త్యేక పూజ‌లు ఆచ‌రించారు.
Advertisement
