నమస్తే శేరిలింగంపల్లి: దేవాలయాలు ఆధ్యాత్మిక వాతావరణానికి ఎంతగానో అనువుగా ఉంటాయని, అలాంటి దేవాలయాల్లో భక్తుల కోసం అన్నదాన కార్యక్రమాలు నిర్వహించడం మంచి విషయమని ప్రభుత్వ విప్, ఎమ్మెల్యే ఆరెకపూడి గాంధీ అన్నారు. శేరిలింగంపల్లి డివిజన్ పరిధిలోని హుడా ట్రేడ్ సెంటర్ లో గల శ్రీ సీతా రామాంజనేయ స్వామి దేవస్థానం లో అన్నదానం కార్యక్రమాన్ని కార్పొరేటర్లు రాగం నాగేందర్ యాదవ్, ఉప్పలపాటి శ్రీకాంత్ తో కలిసి ప్రభుత్వ విప్ గాంధీ ప్రారంభించారు. భక్తులకు స్వయంగా అన్నప్రసాదాలు వడ్డించారు. అన్ని దానాల్లోకెల్లా అన్నదానం గొప్పదని అన్నారు. ఈ కార్యక్రమంలో చందానగర్ డివిజన్ అధ్యక్షులు రఘునాథ్ రెడ్డి, తెరాస నాయకులు నరేందర్ బల్లా, యశ్వంత్, సందీప్, గోపాల్ యాదవ్, మరియు శ్రీనివాస్, మహేష్, కవి కాలనీ వాసులు తదితరులు పాల్గొన్నారు.
Advertisement
