నమస్తే శేరిలింగంపల్లి: రోడ్డు ప్రమాదంలో ఓ యువకుడు మృతిచెందగా మరో యువకుడు తీవ్ర గాయాలపాలైన ఘటన చందానగర్ పోలీస్ స్టేషన్ పరిధిలో చోటుచేసుకుంది. చందానగర్ పోలీసులు తెలిపిన వివరాల ప్రకారం హఫీజ్ పేట్ కు చెందిన మహ్మద్ షఫివుల్లా (20) గచ్చిబౌలిలోని ఎన్టీఆర్ నగర్ లోని ఓ మొబైల్ షాప్ లో మొబైల్ టెక్నిషయన్ గా పనిచేస్తున్నాడు. కాట్రావత్ విశాల్ అనే యువకునితో కలిసి షఫివుల్లా బుధవారం మధ్యాహ్నం భోజనం చేసేందుకు మంజీర డైమండ్ కి టీఎస్ 11ఈటీ 3577 నంబర్ గల పల్సర్ బైక్ మీద బయల్దేరారు. గోపన్ పల్లి రంగనాథ స్వామి ఆలయం వద్ద అదే దారిలో వెళ్తున్న టీఎస్ 3 ఓటీ 0628 అశోక్ లేలాండ్ టిప్పర్ వెనక టైర్ల కింద పడి షఫివుల్లా అక్కడికక్కడే మృతిచెందగా తీవ్ర గాయాలకు గురైన విశాల్ ను నల్లగండ్ల సిటిజన్ ఆస్పత్రికి చికిత్స నిమిత్తం తరలించారు. ఈ మేరకు టిప్పర్ డ్రైవర్‌పై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
