శేరిలింగంపల్లి, న‌వంబ‌ర్ 5 (న‌మ‌స్తే శేరిలింగంపల్లి): తెలంగాణలో జర‌గనున్న సమగ్ర కులగణన స‌ర్వేలో భాగంగా బోయిన్ పల్లిలో జరిగిన సమీక్షా సమావేశానికి శేరిలింగంపల్లి నియోజకవర్గ ముఖ్య నాయకులు, కార్యకర్తలు, అభిమానులతో కలిసి భారీ వాహన శ్రేణితో PAC చైర్మన్ ఆరెకపూడి గాంధీ బయలుదేరి వెళ్లారు. ఈ సందర్భంగా ఎమ్మెల్యే గాంధీ మాట్లాడుతూ రాష్ట్ర ప్రభుత్వం తెలంగాణలో ప్రారంభించనున్న సమగ్ర కులగణనపై ప్రజలు, మేధావులు, పౌర హక్కులు, విద్యార్థి, కుల సంఘాల నేతలు, వివిధ సామాజిక వర్గాల వారి సలహాలు, సూచనలు స్వీకరించడానికి హైదరాబాద్ వ‌చ్చిన కాంగ్రెస్ పార్టీ అగ్రనేత రాహుల్ గాంధీకి ఘన స్వాగతం పలకడానికి శేరిలింగంపల్లి నియోజకవర్గం నుండి బయలు దేరడం జరిగింద‌ని తెలిపారు. తెలంగాణ రాష్ట్ర ప్రభుత్వం సమగ్ర కుల గణన చేపట్టడం చాలా గొప్ప విషయం అని, ఎన్నో ఏండ్ల కల నేటితో నెరవేరుతుంద‌ని, సమగ్ర కులగణన చేపట్టడం హర్షించదగ్గ విషయం అని, ముఖ్యమంత్రి రేవంత్ రెడ్డికి ప్రత్యేక ధన్యవాదాలు తెలియజేస్తున్నాం అని అన్నారు.
