నమస్తే శేరిలింగంపల్లి: సినీ పరిశ్రమలో నటసార్వభౌమునిగా, రాజకీయాల్లో నూతన నిర్వచనం తెచ్చి రాజకీయవేత్తగా తెలుగు ప్రజల గుండెల్లో చిరస్థాయిగా నిలిచిన మహానుభావుడు స్వర్గీయ ఎన్టీఆర్ అని ప్రభుత్వ విప్, ఎమ్మెల్యే ఆరెకపూడి గాంధీ అన్నారు. ఎన్టీఆర్ శతజయంతి ఉత్సవాల్లో భాగంగా మియాపూర్ డివిజన్ పరిధిలోని ప్రశాంత్ నగర్ కాలనీలో ఏర్పాటు చేసిన శతజయంతి వేడుకలలో కార్పొరేటర్ ఉప్పలపాటి శ్రీకాంత్ తో కలిసి ఎన్టీఆర్ చిత్రపటానికి పూలమాల వేసి నివాళి అర్పించారు. ఈ సందర్భంగా ఎన్టీఆర్ సేవలను కొనియాడారు. రాజకీయాలకు నూతన నిర్వచనం ఇచ్చి కోట్లాది జీవితాల్లో వెలుగు నింపిన మహోన్నతుడు ఎన్టీఆర్ అని అన్నారు. పేద ప్రజల అభ్యున్నతే లక్ష్యంగా పనిచేసిన పేదల మనిషి అన్నారు. ఈ కార్యక్రమంలో నాయకులు, అభిమానులు తదితరులు పాల్గొన్నారు.
Advertisement
