నమస్తే శేరిలింగంపల్లి: కరోనా మహమ్మారి నివారణకు ఆయుర్వేద మందును కనుగొని అందరిని ఆశ్చర్యపరిచిన నెల్లూరు జిల్లా వాసి ఆనందయ్య సేవలు అమోఘమని సామాజిక సేవా రత్న గ్రహీత భేరీ రాంచందర్ యాదవ్ అన్నారు. ముచ్చింతల్ లోని శ్రీ రామానుజాచార్యుల ఆశ్రమానికి విచ్చేసిన ఆనందయ్యను భేరీ రామచందర్ యాదవ్ కలిసి ఘనంగా సన్మానం చేశారు. ఈ సందర్భంగా రాంచందర్ యాదవ్ మాట్లాడుతూ కరోనా మహమ్మారిని తన ఆయుర్వేద మందులతో ఆనందయ్య పారద్రోలడం గర్వకారణమని అన్నారు. ఆనందయ్య ఉత్తమ సమాజ సేవలను కేంద్ర, రాష్ట్ర ప్రభుత్వాలు గుర్తించి తగిన ప్రోత్సాహకాలు, అవార్డులు అందించాలని కోరారు. ఈ కార్యక్రమంలో నక్క శ్రీనివాస్ యాదవ్, సంగీత కళారత్నం ఎర్రగొల్ల శ్రీనివాస్ యాదవ్, నరసింహ యాదవ్, పెద్ద రాజుల మధు, రంజిత్ రెడ్డి, కొడకంచి, మహేష్ గౌడ్, శ్రీశైలం యాదవ్ తదితరులు ఉన్నారు.
Advertisement
